Сёння ААТ "Ручайка" наведаў старшыня Брэсцкай абласной арганізацыі прафсаюза "БЕЛПРАФМАШ" Кудзелька Д.А., каб павіншаваць работнікаў прадпрыемства з тыднем бацькоўскай любові. На сустрэчы асаблівая ўвага была ўдзелена шматдзетным бацькам.

Дзмітрый Аляксандравіч уручыў каштоўны падарунак шматдзетнаму бацьку, зваршчыку пластмас ААТ «Ручайка», Фралову Алегу Міхайлавічу, які выхоўвае шэсць непаўналетніх дзяцей, адзначыўшы яго ўклад у працу прадпрыемства і прыклад адказнага бацькоўства. Мерапрыемства прайшло ў цёплай атмасферы, падкрэсліваючы важнасць сямейных каштоўнасцяў і падтрымку з боку прафсаюзных арганізацый.