У гонар Дня Незалежнасці Рэспублікі Беларусь і 80-годдзя вызвалення Беларусі ад нямецка-фашысцкіх захопнікаў, на нашым прадпрыемстве прайшла фотавыстава, прысвечаная героям Вялікай Айчыннай вайны. На выставе былі прадстаўлены фатаграфіі ўдзельнікаў Вялікай Айчыннай вайны, якія працавалі на нашым прадпрыемстве, а таксама абаронцаў і вызваліцеляў горада Кобрын і Брэсцкай вобласці.

     Гэтая выстава стала данінай павагі і ўдзячнасці тым, хто змагаўся за нашу свабоду і мірную будучыню. Асаблівая ўвага была ўдзелена супрацоўнікам нашага прадпрыемства, якія прымалі непасрэдны ўдзел у баявых дзеяннях і ўнеслі значны ўклад у перамогу. Мы ганарымся, што такія героі былі і застаюцца часткай гісторыі ААТ "Ручайка".

     Няхай памяць пра подзвігі нашых продкаў заўсёды нагадвае нам пра каштоўнасць міру і свабоды.